كل ما تحتاجه من معلومات ومصادر لرحلتك في كلية العلوم.
ابدأ الاستكشافوَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ
اختر سنتك الدراسية
تصفح المواد والمصادر الخاصة بكل مرحلة.
اختر الفصل الدراسي لعرض المواد.
ملخصات المادة
هنا ستجد ملخصات ومراجعات هامة للمادة لمساعدتك على الاستعداد للامتحانات.
محاضرات المادة
تعليمات هامة
نصائح وإرشادات حول كيفية دراسة المادة، طبيعة الامتحانات، وأفضل طرق المذاكرة.
رسومات المعامل
رسومات معامل النبات والحيوان والجيولوجيا.
أسئلة وامتحانات
أسئلة سابقة وامتحانات نموذجية للمادة.
عينات المعامل
عينات وصور للمعامل الخاصة بالمادة.
تعريف مواد سنة أولى
🧪 الكيمياء العامة١ (ك١٠١)
هنتكلم النهاردة عن محبوبة الجماهير🥰🤍 الكيمياء العامة١ (كود المقر: ك١٠١). نوع المادة: متطلبات كلية-إجباري لكل الطلبة.
الجزء العملي 👩🔬
في العملي هندرس كيمياء تحليلية (Analytical) ودي شبه الفصل اللي اخدناه في ثانوية عامة ولكن المرة دي مش مجرد معادلات على الورق احنا بنجرب عملي بنفسنا ونكشف عن مكونات العينة ونكتشف ألوان جديدة في الشقوق الحمضية والقاعدية 🧪.
العملي هنا بيكون عليه ٣٠ درجة بيتقسمو على الحضور والفاينال، والفاينال العمل بيكون فيه شيت "اسئلة نظري" وكمان فيه عينة Unknown بتكشف عن الشق القاعدي والحامضي ليها🔴🔵. دا معمل سهل ومش محتاج منك اكتر من شوية التزام ودقة في نتائج كل تجربة أثناء الترم.
الجزء النظري 👀
دا بيتقسم لجزءين وبيشرحه دكتورين مختلفين:
1. الكيمياء العضوية (Organic Chem): هتدرس فيها المركبات العضوية وخواصها وتسميتها وتفاعلات كتير خاصة بيها، ولكن فيه قواعد كتير جديدة عليك هتسمعها في التسمية، محتاج تحل وتسمي المركبات بنفسك 🗒️.
2. الكيمياء الفيزيائية (Physical Chem): واللي فيها هتدرس العناصر وتكافؤها وتوزيعها الالكتروني، فاكر أول فصل قابلته في ثانوية ؟ 🤕 الجزء دا فيه بس شوية حسابات زيادة ولكن سهلة جدا ومنطقية ✖️➕.
توزيع الدرجات 💯
الجزء النظري كامل عليه ٧٠ درجة: ٦٠ فاينال (متقسمة بالتساوي) + ١٠ ميد ترم (متقسمة بالتساوي).
مادتنا النهاردة مادة ممتعة جدا سهل تجيب فيها امتياز وتعلي الGPA ركز بس في حضورك واسئلة دكاترتك ومبروك عليك الامتياز يا صديقي 🌟
🔢 التفاضل (ر١٣١)
المادة ديه اجباري لكل الطلاب سواء كنت علمي رياضة او علمي علوم 🎓. التفاضل مش مجرد قوانين رياضية على ورق، لكنه أداة قوية بتخلينا نفهم التغير في كل حاجة حوالينا ونستخدمه عشان نحل مشاكل حقيقية في الطب 🧑⚕️، الاقتصاد 💰، الهندسة 🏗️، والتكنولوجيا 💻.
المادة ديه لازم تعديها علشان تفتحلك التكامل (ر١٣٢) ✅، وهي شرط أساسي لكل اقسام رياضة.
توزيع الدرجات 💯 (⚠️ المادة كلها مقالي)
- ٦٠ درجة فاينل 📝
- ٣٠ درجة كويزات 📊
- ١٠ درجات ميدترم ✍️
محتوى المادة 📚
- Types of functions
- How to graph a function
- Transformation of functions
- Limits & Squeeze theorem
- Continuity & Intermediate value theorem
- The precise definition of limit
- Derivative of functions (Higher, Trigonometric, Implicit)
- Inverse trigonimetric functions
- Hyperbolic functions & Inverse hyperbolic
- Hyperbolic identities
- Rolle's theorem & Mean value theorem
- L'hopital's rule
إزاي تجيب تقدير عالي؟ 🌟
- حضور المحاضرات وكتابة كل المعلومات ورا الدكتور 🖊️.
- حضور السكشن وحل المسائل بنفسك والسؤال عن ما لا تعرفه 🙋.
- لازم تحل كتير واول بأول وكل ما تاخد جزء جديد حل على القديم والجديد 🔄.
لو في حاجة واقفة معاك، تيم Cairo SciVerse موفرلك تيم علمي يساعدك 👥🤝. مادة التفاضل من السهل جدا تجيب فيها امتياز بإذن الله، كل المطلوب منك تركيز + حل كتير 💪.
⚡ الفيزياء (ف١٠١)
المادة ديه اجباري لكل الطلاب 🎓. لو هدفك تدخل قسم من أقسام الفيزياء سواء منفرد أو مزدوج ف لازم تكون معدي ف١٠١ وبعض الأقسام بتشترط فيها تقدير معين 🎯.
توزيع الدرجات 💯
- ٦٠ درجة فاينل 📝
- ٣٠ درجة معمل 🌡️
- ١٠ درجات ميدترم ✍️
محتوى المادة النظري 📚
- Units and vector analysis 📐
- Kinematics 🚗
- Laws of motion ⚖️
- Work, Energy, and Power ⚡
- Linear momentum and collisions 💥
- Properties of solids and fluids 🧱🌊
- Heat and the first law of thermodynamics 🔥
- Heat energies and the second law of thermodynamics ♨️
تجارب العملي (٨ تجارب) 🌡️
- Simple pendulum ⏳
- Joule's law of heating 🔥
- Ohm's law ⚡
- Specific heat of solid 🔥
- Convex (converging) lens 🔍
- Resonance tube 🎶
- Hooke's law 🪢
- Kirchhoff's law 🔌
إزاي تجيب تقدير عالي؟ ⚠️
- احضر المحاضرات وركز اوي لأن أفكار الأسئلة شبه بعض 🧠.
- ركز في المعمل عشان تجيب الـ ٣٠ درجة كاملين لان دي أكتر درجات مضمونة 🔬.
- حل كتير وراجع أول بأول علشان متنساش اللي فات 🔄.
لو في حاجة واقفة معاك، تيم Cairo SciVerse موجود لمساعدتك 👥🤝. مادة الفيزياء لذيذة ومن السهل تجيب فيها تقدير كويس بإذن الله ✨.
✨ مادة الحيوان (Z101)
الماده بتفتح لينا اقسام مهمه زاي: الكميا الحيوي، كميا حيوان، بايوفزيا.
المادة دي بتتقسم لجزئين: 🔹 نظري (70 درجة) 👉 10 ميدترم + 60 فاينل. 🔹 عملي (30 درجة).
أولاً: النظري (Theory) 🧠
النظري بيتقسم لـ 3 أجزاء رئيسية:
- Embryology 👶🧬: هتدرسي التفاصيل الأولية للجنين في مراحله الأولى، تكوين الـ Ovary والـ Sperm. جزء ممتع جدًا.
- Cell Biology 🔬🧫: هتدرسي مكونات الخلية في الإنسان، زي الـ Mitochondria: شكلها إيه؟ بتعمل إيه؟ تفاصيل كتير لذيذة.
- Invertebrates & Chordata 🐚🐟 (أكبر وأهم جزء): هتدرسي الكائنات كلها: من أول الكائنات وحيدة الخلية زي Amoeba 🦠 لحد الإنسان. هتعدي على: Sponge 🧽 – Obelia 🌊 – الديدان زي Ascaris 🪱 – لحد السمك الغضروفي والعظمي.
أهم حاجة: ذاكر أول بأول ✍️، واعملي مقارنات بين الأنواع علشان المعلومة تثبت وتكون منظمة.
ثانياً: العملي (Practical) 🔬
العملي برضه في نفس التلت أجزاء بتوع النظري. الدكتور بيعيد الشرح + بتشوفي العينات تحت الميكروسكوب 🔬 وبتتعلمي تشتغلي عليه.
درجات العملي (30): الحضور والرسم (حوالي 5 درجات). فاينل عملي (25 درجة) وبيتقسم لـ:
- Spot: عينات شوفتيها في المعمل، يجيبوها وتتعرفي عليها باسمها.
- Detail: عينة تشوفيها وتكتبي اسمها + ترسميها + بياناتها + تصنيفها. أو عينة رسمتها جاهزة وإنتي تكتبي التصنيف والبيانات.
🌟 نصيحتي:
المادة فعلًا لطيفة 🥰، بس محتاجة مذاكرة وحفظ أول بأول. لو ركّمتِها مش هتعرفي تلميها 😵. حضور المحاضرات مهم جدًا.
💡 خلاصة: مادة Z101 ممتعة جدًا لو ذاكرتي بنظام. خلي المذاكرة step by step وهتضمني درجات عالية بإذن الله 🌸💪.
📊 الاحصاء (ص100)
الماده ديه اختياري لطلاب علمي رياضه 🧠. لو ناوي على قسم حاسب او حاسب ورياضه 💻 أو قسم رياضه احصاء يبقى لازم تاخد احصاء الترم الاول.
أقسام المادة 🔄
- الاحصاء الوصفي (Descriptive): هدفها وصف وتلخيص طبيعه مجموعه بيانات واحده زي المتوسط (Mean)، الوسيط (Median)، والمنوال (Mode) 📊.
- الاحصاء الاستدلالي (Inferential): باخد عينه صغيره من البيانات واتكلم عليها بشكل عام على مجتمع كبير. هنا بنستخدم نظرية الاحتمالات 🎲 واختبارات الفرضية ❓ والتنبؤ 📉.
هستفاد ايه من تعلم الاحصاء؟ 🤔
- منهجيه علميه 🧪: تفكيرك هينتقل من "اعتقد أن" إلى "متأكد من" باستخدام البيانات.
- اتخاذ قرار في ظل عدم اليقين ⚖️: مهارة مهمة جداً في سوق العمل.
- نقطة قوية في الـ CV 💼: كل الشركات دلوقتي عايزه حد يعرف يحلل بيانات (Data Analysis).
امتحان الإحصاء بيجي إزاي؟ 🤓
- أسئلة نظرية (20-30%)🧠: زي "ليه بنستخدم الوسيط بدل المتوسط؟"
- مسائل عملية (70-80%) 📝: هيدولك جدول بيانات وعليك تحسب المتوسط، الوسيط، الانحراف، ترسم رسوم بيانية، وتعمل اختبار فرضية.
🎯 ازاي تذاكرها باحسن طريقه
- اهم حاجه تكون بتحضر المحاضرات والسكاشن وتسجل الـ notes 📝.
- ما تحفظش ❌: اهم حاجه تكون فاهم وتسأل نفسك ليه استخدمت الطريقة دي.
- ذاكر من ال pdf بتاع الماده وافهمه كويس اوي 📖.
- الخطوه الأهم: الحل 💪 (لازم تحل كتير اوي وتغلط وتعرف سبب الغلط).
🎉 مادتنا النهارده لذيذه جدا تقدر تجيب فيها تقدير عالي لو فهمت وعرفت ازاي تتعامل مع البيانات اللي قدامك 📊✨.
🪲 Entomology (علم الحشرات)
انبسطوا يا شباب علشان ده بوست مادة الامتياز اللي كل طالب بيتمناها! مادة Entomology أو علم الحشرات من المواد الكويسة جدًا جدًا، سواء من ناحية المحتوى أو الدكاترة.
📍 الترم الأول: أساسيات علم الحشرات
- دراسة تركيب جسم الحشرة (مورفولوجيا) وتفاصيلها.
- تصنيف الحشرات لأسر وطوائف مختلفة.
- العملي: رسم العينات تحت الميكروسكوب ودراسة عينات مختلفة.
📍 الترم الثاني: آفات ومكافحة (Applied Entomology)
- دراسة الآفات الحشرية وأنواعها.
- معرفة طرق مكافحة الآفات الحيوية والكيميائية.
- العملي: بدون رسم، تركيز على التطبيق والعينات.
📊 توزيع الدرجات
- 10 ميد ترم
- 30 عملي
- 60 فاينل
💡 نصائح
- المادة دي ضامنة GPA عالي لو ذاكرتها أول بأول.
- العملي سهل جدًا ومضمون، احضر السكاشن ومتفوتش حاجة.
- فكر كويس قبل ما تختارها لأنها بتقفل أقسام نبات وحيوان.
✨ مادة علم الحشرات ممتعة وسهلة لو ذاكرتها بنظام ومتابعة، امتياز مضمون بإذن الله.
🌿 النبات (1 Botany) – B101
مادة اختيارية ممتعة وسهلة جدًا، مهمة جدًا لو ناوي تدخل تخصص Microbiology أو Botany & Chemistry.
📊 توزيع الدرجات
- 10 ميد ترم
- 5 درجات اسكتش وحضور
- 25 فاينل عملي
- 60 فاينل نظري
🔬 العملي
هتبدأ بـ Morphology (الشكل الخارجي للنبات) من الجذر للورقة. هتعرف الفرق بين البطاطس والبطاطا 😂 والأنسجة وأنواعها. وبتعمل رسومات جميلة جدًا ومضمونة لو اهتميت بالرسم 🖊️.
📖 النظري
بيكمل العملي بنفس الترتيب: Plant Morphology وبعدها Anatomy (الأنسجة الداخلية). بتدرس الخشب واللحاء وكل الأنسجة اللي بتكوّن النبات 🌳.
🌟 مادة جميلة وممتعة وسهلة جدًا تجيب فيها امتياز وتزود GPA بإذن الله.
📘 الجبر (R110)
مادة أساسية لطلاب رياضة، بتفتح أقسام رياضة مع الإحصاء في الترم الأول. مش صعبة، لكن محتاجة حل كتير وتطبيق مستمر.
📚 فصول المادة
- مبادئ الاستنتاج
- المجموعات وعملياتها
- Mathematical Induction
- العلاقات التكافؤية
📊 توزيع الدرجات
- 30 كويزات
- 10 ميد ترم
- 60 فاينل
💡 الحل بإيدك هو المفتاح! احضر المحاضرات والسكاشن، حل كتير، واسأل على كل نقطة. المادة جديدة لكن ممتعة جدًا لو فهمت فكرتها 💪.
🌍 الجيوفيزياء (GPH 101)
مادة اختيارية لطلاب علمي علوم ورياضة. بتركز على الطرق الجيوفيزيائية الخاصة بالجاذبية والمغناطيسية.
📊 توزيع الدرجات
- 60 فاينل
- 30 عملي
- 10 ميد ترم
📘 المحتوى
- Gravity & Magnetism methods
- طرق المسح الجاذبي وتصحيح البيانات
- الـ Bouguer Anomaly وتفسيرها
- الـ Magnetic anomalies واستخدامها
💪 مادة الجيوفيزياء سهلة وممتعة جدًا لو ركزت وحضرت، امتياز مضمون إن شاء الله.
🩻 الفيزياء الحيوية (BPH 111)
مادة تخصص لعلمي علوم، أساسية لو ناوي تكمل في الفيزياء الحيوية. محتواها جديد وممتع وبيشرح العلاقة بين الفيزياء والجسم البشري.
📊 توزيع الدرجات
- 30 عملي (10 كشكول - 20 فاينل)
- 10 ميد ترم
- 60 فاينل نظري
📖 المحتوى
- Electricity within the Body
- Medical Uses of X-rays
- Physics of Nuclear Medicine
- Heat and Cold in Medicine
🧠 احضر المحاضرات وركز، العملي سهل ومضمون، والمعيدين متعاونين جدًا. مادة هتستمتع بيها فعلًا 💯.
الأقسام العامة
تفاصيل ومعلومات عن الأقسام العامة المتاحة في الكلية.
أقسام كلية العلوم (كل السنوات)
البرامج النوعية المتخصصه
استعراض للبرامج المتاحة بنظام الساعات المعتمدة (البرامج النوعية المتخصصه).
البرامج النوعية المتخصصة
ما وراء المقاعد: دليلك الشامل لسوق العمل بعد كلية العلوم
"ماذا سأعمل بعد التخرج من كلية العلوم؟" - هذا هو السؤال الأهم الذي يطرحه كل طالب تقريبًا. لسنوات طويلة، ارتبطت الإجابة في أذهان الكثيرين بخيارين فقط: إما العمل في التدريس أو استكمال الدراسات العليا.
والحقيقة أن هذه النظرة، رغم صحتها الجزئية، هي نظرة قاصرة للغاية. خريج كلية العلوم اليوم هو واحد من أكثر الخريجين طلباً في سوق العمل الحديث، والسبب لا يكمن فقط في المعلومات التي درسها، بل في "العقلية" التي بنتها فيه الكلية.
المهارات المكتسبة: "القوة الخفية" لخريج العلوم
قبل الحديث عن الوظائف، يجب أن تعرف ما الذي يميزك. دراستك في كلية العلوم لم تمنحك شهادة فقط، بل منحتك مجموعة من المهارات الذهنية والعملية التي تتنافس عليها كبرى الشركات:
التفكير التحليلي والنقدي (Critical & Analytical Thinking):
أنت قضيت سنوات في تحليل المسائل المعقدة، وتفكيكها إلى أجزاء صغيرة، وفهم العلاقات بينها. هذه هي المهارة رقم واحد في حل المشكلات في أي شركة.
حل المشكلات (Problem Solving):
لم تكن تحل "مسائل" في ورقة، بل كنت تتدرب على منهجية كاملة: تحديد المشكلة، افتراض الفرضيات، اختبارها، وتحليل النتائج للوصول إلى حل. هذا هو جوهر العمل في مجالات الصناعة والتكنولوجيا.
المهارات التقنية والمعملية (Technical Skills):
أنت تجيد التعامل مع الأجهزة الدقيقة، وتتبع إجراءات التشغيل القياسية (SOPs)، وتوثيق النتائج، والتعامل مع البيانات. هذه المهارات لا تُقدر بثمن في أي بيئة إنتاجية أو بحثية.
تحليل البيانات (Data Analysis):
سواء كنت في قسم كيمياء، فيزياء، رياضة، أو بيولوجي، فأنت بارع في قراءة البيانات والأرقام والرسوم البيانية، واستخلاص معنى حقيقي منها. هذه المهارات هي أساس "علم البيانات" (Data Science) المطلوب حالياً.
المرونة والقدرة على التعلم (Adaptability & Learnability):
دراستك للمناهج العلمية المتغيرة علمتك أن "ما تعرفه اليوم قد يتغير غداً". هذه المرونة تجعلك قادراً على تعلم أي تقنية جديدة أو دخول أي مجال جديد أسرع من غيرك.
مجالات العمل: أين يذهب خريج "قلعة العلوم"؟
سوق العمل لخريج العلوم أوسع بكثير مما تتخيل، وهو ينقسم إلى قطاعات ضخمة. إليك خريطة واقعية للمجالات المتاحة بناءً على التخصصات:
1. قطاع الصناعة والإنتاج (Industry & Manufacturing)
هذا هو القطاع الأضخم الذي يستوعب آلاف الخريجين سنوياً، خاصة أقسام الكيمياء والبيولوجي.
خريج الكيمياء:- رقابة الجودة (QC): تحليل المواد الخام والمنتج النهائي في مصانع (الأدوية، الأغذية والمشروبات، البتروكيماويات، الدهانات، مستحضرات التجميل، المنظفات، البلاستيك). لا يوجد مصنع تقريباً بدون معمل QC.
- توكيد الجودة (QA): وضع ومراقبة أنظمة الجودة التي تضمن سلامة المنتج ومطابقته للمواصفات.
- البحث والتطوير (R&D): العمل على تطوير منتجات جديدة أو تحسين المنتجات الحالية.
- السلامة والصحة المهنية (HSE): تطبيق معايير الأمان في المصانع الكيماوية والبترولية.
- معالجة المياه: العمل في محطات تحلية ومعالجة المياه.
2. قطاع الرعاية الصحية والطبية (Healthcare)
قطاع حيوي ومطلوب دائماً، وهو الوجهة الأولى لخريجي الأقسام الطبية والحيوية.
خريج البيولوجي (كيمياء حيوي، ميكروبيولوجي، حيوان، نبات):- معامل التحاليل الطبية: العمل كأخصائي تحاليل طبية (بعد الحصول على دبلومة التحاليل).
- شركات الأدوية: في أقسام رقابة الجودة (QC/QA)، أو كأخصائي في معامل الميكروبيولوجي.
- مراكز الأبحاث: العمل في مجال الهندسة الوراثية والتكنولوجيا الحيوية (Biotechnology).
- أخصائي تطبيقات (Application Specialist): في الشركات الموردة للأجهزة الطبية والمعملية.
- أخصائي فيزياء طبية: العمل في أقسام العلاج الإشعاعي والأورام في المستشفيات.
- الحماية من الإشعاع: العمل في هيئة الطاقة الذرية والمراكز النووية.
3. قطاع التكنولوجيا والبيانات (Tech & Data)
أسرع القطاعات نمواً في العالم، وأصبح لخريجي علوم نصيب الأسد فيه.
خريج علوم الحاسب (Computer Science):- تطوير البرمجيات: (مطور ويب، مطور تطبيقات موبايل، مطور أنظمة).
- علم البيانات والذكاء الاصطناعي (Data Science & AI): تحليل البيانات الضخمة وبناء النماذج التنبؤية.
- الأمن السيبراني (Cybersecurity): حماية الشبكات والبيانات.
- إدارة قواعد البيانات والشبكات.
- تحليل البيانات (Data Analysis): العمل في كل القطاعات (بنوك، اتصالات، تسويق) لتحليل سلوك العملاء وبيانات السوق.
- العلوم الاكتوارية (Actuarial Science): العمل في شركات التأمين لتقييم المخاطر (يتطلب شهادات إضافية).
- البنوك والقطاع المالي: العمل في أقسام تحليل المخاطر والاستثمار.
4. قطاع الطاقة والموارد الطبيعية (Energy & Natural Resources)
القطاع الأساسي لتأمين موارد الدولة، ويعتمد بالكامل على خريجي الجيولوجيا والفيزياء.
خريج الجيولوجيا والجيوفيزياء:- شركات البترول والغاز: العمل في استكشاف الحقول (داخل مصر وخارجها).
- التعدين والمناجم: استكشاف واستخراج الثروات المعدنية (الذهب، الفوسفات، إلخ).
- الجيولوجيا الهندسية: العمل مع شركات المقاولات في تحديد صلاحية التربة للإنشاءات الكبرى (الأنفاق، الكباري، الأبراج).
- استكشاف المياه الجوفية.
- العمل في هيئات الطاقة الجديدة والمتجددة.
- مراكز الأبحاث البترولية والجيوفيزيائية.
5. قطاع المبيعات والتسويق العلمي (Scientific Sales)
مجال مربح جداً ويحتاج لخليط من الفهم العلمي ومهارات التواصل.
- مندوب دعاية طبية (Medical Rep): تسويق الأدوية للأطباء والأصيدليات (متاح لكل تخصصات علوم الطبية).
- مندوب مبيعات علمي: بيع الكيماويات، الأجهزة المعملية، أو الأجهزة الطبية للمصانع والمستشفيات.
الخلاصة: شهادتك هي مفتاحك
الاعتقاد بأن خريج كلية العلوم له مستقبل محدود هو اعتقاد خاطئ تماماً. شهادتك هي "جواز سفر" يمكنك من دخول أي قطاع تقريباً، لأنك تملك الأساس الذي تبحث عنه كل المؤسسات: عقلية علمية قادرة على التحليل وحل المشكلات.
سوق العمل لا يبحث عن "حافظ للمعلومات"، بل عن "مُطبق للمنهج العلمي". طور مهاراتك اللغوية (الإنجليزية) والبرمجية (حتى لو كنت كيميائياً)، وستجد أن الأبواب المفتوحة أمامك أكثر مما كنت تتخيل.
الأدوات
بما إنكم سألتو كتير عن الأدوات، تعالو نبدأ سوا بالأدوات الضرورية اللي هيحتاجها كل طلاب سنة أولى سواء كانو رياضة أو علوم✨🤍
الأدوات الأساسية (لكل الطلبة)
🧪 6 Test Tubes (أنابيب اختبار)
دي الأنابيب اللي بنحضر فيها الملح وبنعمل فيها التجربة نفسها.
🔥 Holder (ماسك أنابيب)
أداة بنستخدمها عشان نقدر نحرك التيست تيوبس لو بيحصل جواها تفاعل طارد للحرارة أو بنسخن العينات مثلا.
RACK (حامل أنابيب)
ودا اللي بيساعدنا نستخدم الـ test tubes كلها في نفس الوقت، فهو حامل ليهم وبيكون بلاستيك عادي🤍.
🥄 Spatula (ملعقة)
ودي شبه المعلقة الصغيرة وبنستخدمها في نقل كميات صغيرة من الأملاح اللي محتاجينها.
🧼 Cleaner (فوطة تنظيف)
ودي فوطة هتحتاجها بس في تنظيف الأدوات، ولو لا قدر الله وقعت حاجة مثلا.
أدوات التشريح (لطلبة علوم بيولوجي) ⚠️
لو كنت طالب علمي علوم وهتسجل مادة حيوان فهتحتاج تجيب أدوات التشريح واللي هتحتاجهم في الترم التاني، في معامل تشريح الضفادع🐸.
Forceps (ملقاط)
✂️ Scissors (مقص)
Scalpels (مشرط)
وهتحتاج تجيب معاه أمواسه.
Needle (إبرة تشريح)
ودي أداة تشبه الإبرة لكن أطول.
📍 Pin (دبابيس تثبيت)
كلهم بتشتريهم مع بعض وغالبا بتبقى المجموعة جاهزة كاملة🤍.
دي الأدوات الأساسية اللي هتحتاجها في أولى بدون زيادات ، لو حبيت تجيب بوكس لأدواتك هاته ولو هتقدر تحافظ عليهم فمش ضروري✨🤍
تاريخ كلية العلوم: مصنع العباقرة ومنارة النهضة المصرية
تُعتبر كلية العلوم، أو كما يُطلق عليها "قلعة العلوم"، واحدة من أعرق الكليات ليس فقط في مصر، بل في الشرق الأوسط بأكمله. هي ليست مجرد صرح تعليمي، بل هي حجر الزاوية في النهضة العلمية الحديثة لمصر، والمصنع الذي قدم للعالم بعضاً من ألمع العقول التي غيرت مجرى التاريخ.
التأسيس: بذرة في قلب الجامعة المصرية
تأسست كلية العلوم رسمياً في عام 1925، بالتزامن مع إعلان قيام "الجامعة المصرية" (جامعة القاهرة حالياً) كجامعة أهلية. كانت واحدة من أربع كليات أصلية شكلت نواة الجامعة، وهي: الآداب، والحقوق، والطب، والعلوم.
لم يكن الهدف من إنشائها مجرد تدريس النظريات، بل كان مشروعاً وطنياً يهدف إلى خلق جيل جديد من العلماء المصريين القادرين على بناء الدولة الحديثة، وتزويدها بالخبرات في مجالات أساسية كالفيزياء، والكيمياء، والرياضيات، والجيولوجيا، والعلوم البيولوجية.
العصر الذهبي: مصطفى مشرفة وعمادة العباقرة
لا يمكن ذكر تاريخ كلية العلوم دون أن يتبادر إلى الذهن اسم واحد: الدكتور مصطفى مشرفة باشا. على الرغم من أن "مشرفة" حصل على شهاداته العليا من إنجلترا، إلا أنه كان ابن الكلية وأحد أعظم أساتذتها وعمدائها.
تحت قيادته، شهدت الكلية عصرها الذهبي. لُقب بـ "أينشتاين العرب" لأبحاثه الرائدة في نظريتي النسبية والكم، وكان له الفضل في "تمصير" (جعلها مصرية) هيئة التدريس، وإتاحة الفرصة للمواهب المصرية الشابة. كان "مشرفة" أستاذاً ومعلماً لجيل كامل من العلماء، وغرس فيهم شغف البحث العلمي الدقيق.
خريجون من ذهب: عمالقة صنعوا التاريخ
إن القيمة الحقيقية لكلية العلوم لا تكمن في مبانيها، بل في خريجيها الذين تركوا بصمات لا تُمحى:
1. الدكتورة سميرة موسى: رائدة عصر الذرة
تُعد الدكتورة سميرة موسى واحدة من أبرز خريجات الكلية. كانت أول امرأة تحصل على درجة الماجستير من الكلية، وأول معيدة بها. تخصصت في مجال الفيزياء النووية، وسافرت في بعثة إلى بريطانيا ثم الولايات المتحدة.
كان حلمها الأكبر هو "الذرة من أجل السلام"، وسعت لجعل العلاج بالطاقة النووية متاحاً للجميع. على الرغم من وفاتها المأساوية في حادث غامض عام 1952، إلا أن إرثها كعالمة وطنية رائدة لا يزال خالداً.
2. الدكتور أحمد زويل: من قاعة المحاضرات إلى نوبل
يظل الدكتور أحمد زويل هو الأيقونة الأبرز لخريجي كلية العلوم. تخرج من قسم الكيمياء عام 1967 بتقدير امتياز مع مرتبة الشرف.
انطلق "زويل" من هذه الكلية إلى الولايات المتحدة ليغير وجه علم الكيمياء. باختراعه لكاميرا "الفيمتوثانية"، استطاع تصوير التفاعلات الكيميائية في زمنها الحقيقي، وهو إنجاز استحق عليه جائزة نوبل في الكيمياء عام 1999. ظل "زويل" مرتبطاً بجامعته، وكان دليلاً حياً على أن التعليم في كلية العلوم المصرية يمكن أن ينتج علماء بمقاييس عالمية.
3. عمالقة في كل مجال
لم يتوقف العطاء عند هذا الحد، بل تخرج من الكلية آلاف العلماء الذين أسسوا لنهضة مصر في مجالات متعددة، منهم:
- الدكتور رشدي سعيد: أحد أعظم الجيولوجيين في العالم، وصاحب الفضل في رسم خريطة مصر الجيولوجية الحديثة.
- الدكتور عصام حجي: عالم الفضاء المصري الذي عمل في وكالة الفضاء الأمريكية "ناسا"، وهو خريج قسم الفلك.
- آلاف الأساتذة والباحثين: الذين أصبحوا هم أنفسهم أعمدة الجامعات المصرية ومراكز البحوث، وواصلوا مسيرة العطاء.
إرث ممتد
منذ عام 1925 وحتى اليوم، تظل كلية العلوم هي "القلب النابض" للبحث العلمي في مصر. إنها قصة نجاح بدأت بحلم وطني، ورعاها عمالقة مثل "مصطفى مشرفة"، وأثمرت عباقرة مثل "سميرة موسى" و"أحمد زويل". تاريخها هو شهادة على أن الاستثمار في العقل البشري هو أثمن استثمار لبناء الأوطان.
الملخصات
هنا يمكنك تصفح ومشاركة الملخصات الدراسية المختلفة.
عن فريق Cairo SciVerse
تعرف على الفريق القائم على هذا المشروع وأهدافه.
تواصل معنا
يمكنك التواصل معنا عبر وسائل التواصل الاجتماعي أو البريد الإلكتروني.
صفحة الفيسبوك
قناة اليوتيوب
جروب الواتساب
جوجل درايف